Ubwishingizi
bw’amashuri y’abana
Reba amakuru arambuye kuri ubu bwishingizi
Kugira ejo hazaza heza ku bana bacu ni intego y'ingenzi ku mubyeyi wese wita ku nshingano ze neza. Umusingi mu buzima bw'ahazaza h’umwana ni ukumuha uburezi bufite ireme. Kubera izamuka ry'ibiciro bijyanye n'uburezi, cyane cyane mu byiciro byisumbuye, byatumye bigora imiryango myinshi kubona uburyo bwo kwishyurira abana. Kubera iyo mpamvu, ababyeyi bagorwa cyane no gushaka amafaranga akenewe kugira ngo bashobore kwishyura ikuguzi cy’uburezi bw’abana babo.
Mu gihe ababyeyi bafite izo ngorane, umuntu yakibaza ati: Ese ababyeyi bafite amafaranga ahagije yo kwishyura amashuri y'abana babo? Kandi byagenda bite niba habayeho icyago kidateganyijwe?
Ubwishingizi bw’amashuri y’abana bufasha ababyeyi mu kuzigama kugira ngo bashobore kubona amafaranga y'uburezi bw'abana babo binyuze mu bwizigame bufite umutekano, kandi bugaha ababyeyi umutuzo ko ibyifuzo k’uburezi bw’abana babo bizagerwaho nubwo abo babyeyi baba batakiriho.
Ninde wemererwa gufata ubwishingizi bw’amashuri y’abana muri SanlamAllianz?
Ubwishingizi bw’amashuri y’abana bufatwa na buri wese ufite inshingano zo kwishyurira abana amafaranga y’ishuri, yaba ari abana yabyaye cyangwa abo abereye umubyeyi ariko atarababyaye.
Bikora bite?
Urugero: Dufate umubyeyi witwa SYBILLE w'imyaka 33, wifuza guteganyiriza uburezi bw'icyiciro cya kaminuza ku mwana we w'imyaka ibiri. Kugira ngo yishyure amafaranga y'ishuri angana na 2.000.000 FRW buri mwaka, Madamu SYBILLE asabwa kwishyura ikiguzi cy'ubwishingizi kingana na 36.312 FRW buri kwezi mu gihe cy'imyaka 16.
Ibyago byishingirwa
Mu gihe habayeho ibyago Madamu SYBILLE agapfa mbere y’uko igihe cyo kwishingirwa giteganyijwe mu masezerano kigera, SanlamAllianz yishyura amafaranga yose nkuko amasezerano yabiteganyaga.
Mu gihe Madamu SYBILLE akomeje kubaho kugeza igihe cyo kwishyura imisanzu y’ubwishingizi kirangiye, azahabwa amafaranga angana na 2.000.000 FRW buri mwaka mu gihe cy'imyaka ine, bityo yose hamwe amafaranga azahabwa azaba angana na 8.000.000 FRW.
Mu gihe Madamu SYBILLE apfuye cyangwa akagira ubumuga buhoraho bwa burundu nyuma yo gushyira umukono ku masezerano, uwateganyirijwe ahabwa indezo ingana na 1.000.000 FRW buri mwaka mu gihe cy'imyaka 16, agahabwa amafaranga angana na 16.000.000 FRW. Nyuma y'uko umwana agereye ku myaka yo gutangira kaminuza, azabona amafaranga angana na 2.000.000 FRW buri mwaka mu gihe cy'imyaka ine, ahwanye na 8.000.000 FRW kugeza ku isozwa ry'amasezerano y’ubwishingizi.
Nubwo urugero rwatanzwe rwibanda ku burezi bwa kaminuza, ubwishingizi dutanga bugera mu byiciro byose by'uburezi. Ntukwiye gucikwa n’aya mahirwe adasanzwe. Tugushimiye ko wahisemo gukorana natwe.